想當年,十幾歲已經出嚟做嘢未必日日有飯開!

世代之爭,不禁令人想起一些廢話。

老人家常說,『以前,邊有咁多書讀呀,十幾歲就出嚟做嘢啦!好似你哋家下咁日日遊手好閒咩!』

但又會聽到,『讀唔到大學,無碩士,有鬼用呀!睇下人地黃太個仔啦,碩士畢業家下又車又樓呀!』

唔好鬼讀書,做又係白痴仔唔做又係白痴仔。根本就無必要聽這些廢話。時代不同,他們的經驗也只適用於過去的時代裡。年輕的,走自已的路,自已構築未來更好。

自已當年無書讀、讀唔成書,便渴望下一代替自已完成當年的希望。眼見相熟的人子女學業有成,往往又不禁眼紅。自已的子女二十多歲仍天天上學去的,又慨嘆他們太幸褔,遲遲未有社會工作經驗。

其實,他們究竟想點?

年輕人幹甚麼大事也好,總有些老人家又會說,『佢哋飲梗奶咋嘛,搞乜鬼嘢呀,番去讀書啦』。難怪香港的工人階級這麼弱勢,他們戒了奶幾十年了吧,有甚麼大事當前也只是扮作小朋友一般。老闆喝一聲,他們敢反抗嗎?咪又係跟飲奶的 BB 一樣。呀,BB 都還懂哭叫一下啊…

コメントを残す

メールアドレスが公開されることはありません。 が付いている欄は必須項目です