數學與補習令我回想一件趣事，同時又是慘事

數學，其實我好差。節目內容提到主角中三時俾阿媽逼佢讀書。我番中二，數學好差，差到要食 Lunch 罰留低補課，老師 Group 埋一班數學差嘅人操練。

問題嚟喇！向來番屋企食 Lunch，點 Lunch 留堂操數學呢？結果臨留 Lunch 留堂前一星期，自己狂練數學，最難嘅做到熟哂。留 Lunch 當日照常走番屋企食飯，極速食完再番入課室，老師都呆一呆以為我唔打算參加拒絕留堂！當時我話唔好意思要番屋企食飯，順便攞工作紙埋位做，只餘下 20 分鐘左右(其實我唔清楚做工作紙前係咪有教過下嘢，定係一開始就做)，剛剛好響鐘前做得切，下一回留 Lunch 補數學亦無須再參加。

唔操好過操，中三數學成績太好，學校鼓勵唔少同學放棄其它選科，入去 AMath…，從此世界就黑暗起嚟，打後兩年完全無乜心機。

《星期三港案》 21/10 零距離補習社

2015年10月21日 星期三

http://www.tvmost.com.hk/201510211546_video_wedreport_hylau [毛記電視 《星期三港案》]