另類風險轉移術

我願唔願意去趕起是一回事，從來有無尊重過專業服務，才是重點。

無照片急須照片辦手續，到相鋪影快相要俾貴啲；
護照到期/過期要辦快證，要加錢；
地盤因故要趕工，多人員設備要加錢；
趕時間搭特急/新幹線要較平常列車/班次昂貴；

但有一種行業往往客戶自己因故導致 Project 趕急，反而全數撥歸接 Project 嘅人，Lunch 搞搞吧、今晚搞搞吧、外遊反正無乜嘢做幫幫手搞吧….，而客戶打算付出嘅預算係按平常狀況去想，還經常聽到 「拍硬檔攝D時間趕起佢搞搞佢…」。

其實貴公司我沒有股份，Project 上馬後所產生的後續利潤我亦都無份，我為何要廉價地替人家承受趕急的損失？哪個趕急不是我造成的吧。

掃地趕清理颱風垃圾都有 OT 錢…。有時真係連掃地都不如。