主動拆前輪爭取單車無障礙政策？Actively giving in to wheel removal requirement?

終於有人為真正重點出文章…

感想

摺車還好些少，一般要拆前轆來符合要求的車友，其實行動上更為不便，更容易撞到他人。個關鍵係拆咗轆之後又會自律咗？較不容易撞及別人？我覺得更容易失控囉。有一個更直接羅輯，強大市場需求造就大大個行李箱能夠湧現於列車上及車站內，若單車再多下去，大量湧入閘口唔拆轆的，港鐵根本只會無可奈何…。談及自律無法維持為由要單車拆轆，那麼倒不如人人入閘都要搜身檢查有沒有飲品食品吧，”倒清倒淨”才准入閘，MTR 都係會計算成本及執行難易度的。

間中見某單車討論區有人 Post 相話人唔拆轆搭 MTR，我覺得拍照的人都係好…(有幾個字刪去了)！又從來唔見佢哋拍外籍單車者唔拆轆個喎！

“拆轆是防止有人在車站踩車” 呢個被廣為流傳的規則原意太假了吧，也只是 PR 技巧。又未見有屋邨要居民拆轆，防止人們在邨內踩車吧？證明只因不希望單車客帶同單車乘搭 MTR。公司有這真心想法，PR 部門要創作美麗的故事包裝之。PR 為要令單車者增添障礙護航啊！

升降機老是行李箱客，輪椅者都要久候，單車者往往只好冒險用扶手電梯或樓梯… 仲要顧住那個拆了下來嘅轆…。以我騎摺車為例，在摺起來的情況下，走樓梯更煩…。又例如，東涌站月台只有一部細得很的升降機，老是健全者左穿右插霸佔使用，輪倚客根本都只有等字… 我都不好意思去爭埋一分，只好等人潮消散後使用扶手電梯