西鐵紅磡站／紅磡車站 (紅磡火車站)？

以往都出過不少文章，糾正人們對鐵路路綫的錯誤觀念。例如硬要講”西鐵轉地鐵”！地鐵暫且當港鐵之舊名無問題，但”西鐵”(西鐵綫)只是一條 MTR 的路綫，不要當成一個獨立機構吧。

西鐵綫轉乘荃灣綫或東涌綫，你仍在 MTR 的魔掌之中，是同一樣野來！”西鐵轉火車轉馬鐵”！糟糕得很！兩鐵合併前也不該這樣說，”火車”，理論上各綫行駛的都是火車的一種(Train, 列車)，十分耳痛。若然說以列車種類來分，又有點自打咀巴，西鐵綫／東鐵綫／馬鞍山綫 所用的列車又分別在哪裡呢？大體上只有兩大款，何解同一用途功用的列車要分別叫作＂火車”、＂西鐵＂、＂馬鐵＂呢？況且後兩者本身不該被指作列車的代名詞吧。還不弄清又每每引起不必要的誤會及煩惱。”火車壞了…”，實情住住是條鐵路路線訊號大規模出事，沒有列車壞掉，但比有車壞更糟，全線停頓。等於繁忙的彌敦道跟佐敦道交界交通燈壞了，你也不會說成 “汽車壞了啊…”。

KCR 以往山頭主意處處，火車派、馬鐵派、西鐵派、輕鐵派… 高層都不當自己的東西是同一個整體。結果產生了 “西鐵乜乜站”、”馬鐵乜乜站、、”乜乜火車站”/”乜乜車站”、等等的怪名詞。

仲未覺得怪？就當兩鐵沒有合併，照計劃西鐵綫延長去九龍，再於未來整合 沙中線一期 路段繼而 馬鐵+西鐵 變成 東西走廊，到時會產生以下狀況：

• 美孚站繼續一站兩制，地鐵美孚站／西鐵美孚站
• 南昌站繼續一站兩制，地鐵南昌站／西鐵南昌站
• 尖東站(一開波已無佐個東鐵慣有的”車”字)，變成西鐵尖東站
• 紅磡站呢？紅磡車站／西鐵紅磡站
• 大圍站自重建後已無佐個車字，也可能雙方角力無果，索性唔跟”東鐵”姓或”馬鐵”姓！
• 日後沙中線一期通車，紅磡站又要易名為 “紅磡車站／西鐵紅磡／馬鐵紅磡站 (東西鐵紅磡站)”？

唉，KCR 有時D作風真係怪到無人有，車站姓氏十分離奇，且教壞人。搞到地鐵永遠只能套用在 in-town 四綫加東涌綫上！其它路綫一定要叫特別名。好在前地鐵公司無學佢，否則…

中環/香港站命名為 港島鐵中環站／荃灣鐵中環站／東涌鐵香港站／機場快鐵香港站…

銅鑼灣搭去石硤尾當無轉車！羅湖搭去尖沙咀就一定係轉車(火車轉地鐵)！如果從鐵路機構去計，你也該說”火車轉地鐵再轉地鐵吧”。也有人說不是計機構去叫，是跟路去叫 ，咪玩啦，東涌綫有幾河在地下行？你唔叫佢做火車？軌距跟 K 記重型鐵路相同的國際標準，跟 in-town 四綫不同啊，走不進 in-town 綫的各條路線路段！以這些人所言的定義，唔叫地鐵，叫火車涌實至名歸，或者叫東涌鐵。

其實同一個網絡下，懶人可以話”我搭鐵去乜乜乜”咪得囉，唔駛咁煩。Detail 一點，講明乜乜綫轉乜乜綫仲好啦。你也不會說”我坐巴士過海再轉城巴…”咁怪吧。

 

[節錄自一篇存放在暫時關閉的爛透笑話網誌網站，jokesteam.timhome.hk]